ازاي اشتري شاشه كمبيوتر مستعمله

ازاي اشتري شاشه كمبيوتر مستعمله

👀

فيه انواع كتير موجوده ف السوق

😒
منها
HP
Lenovo
DELL
-------
Gateway
Apple
ايه الفرق بين الشاشات دي ف السعر والكفاءه
اولا بالنسبه للسعر
اتش بي وديلل بيكونوا بنفس السعر
لكن لينوفو بيكون سعرها اقل منهم شويه
وبالنسبه لجيتواي وابل بيكون سعرهم اغلي من اتش بي وديلل
طب معني كده ان الشاشات الغاليه دي احسن من الرخيصه؟؟
فيه حلو غالي وفيه حلو رخيص
بمعني ايه؟ نشوف مع بعض الجوده والكفاءه الاول
ثانيا بالنسبه للجوده والكفاءه
ده بالنسبه لرأيي انا وتعاملي مع الشاشات دي
انا اشتغلت ف الشاشات دي سنين كتير
اتش بي احسن من الديل بالنسبه للاضاءه والكفاءه والجوده
مع انها بنفس سعر ديلل
طب ايه السبب انهم يكونوا بنفس السعر وجوده اتش بي احسن؟؟
هقولك مثلا زي سامسونج J7 Core و هواوي Y7 Prime
طبعا امكانيات هواوي احسن بكتيييييير وسعر اقل كمان
انما سامسونج امكانيات تكاد تكون معدومه وسعر اغلي
بيتهيألي كده وصلت

 👌

نيجي بقي لشاشات لينوفو
مع ان سعرها اقل من اتش بي وديل بس انصح بيها
جوده وكفاءه واضاءه مريحه للعين وسعر احسن بكتير
باقي معانا نوعين لسه ماتكلمناش عنهم
Gateway ... Apple
دول سعرهم اغلي شويه
وكمان جودتهم عاليه
بس!! ... نادريين شويه
انصحك لو لقيت منهم بسعر معقول اشتريهم

نيجي بقي نشوف ازاي نعرف الشاشه دي حلوه ولا لا؟؟
اولا وقت تشغيل الشاشه
لو فيها مشاكل ف اضاءه الشاشه هتاخد وقت اطول ف الفتح
من 10 ل 20 ثانيه
ودي بتدل ع ان لمبه اضاءه الشاشه اللي بتوزع الاضاءه
بدأت تنتهي
ودي زي اي لمبه عندك ف البيت ليها عمر افتراضي
ثانيا صوت الشاشه
بتقرب ودنك من الشاشه وتسمع
لو لقيت صوت زنه من الشاشه
ده معناه ان المكثفات اللي ف الشاشه بدأت تنتهي
وان الشاشه هتعطل معاك بعد فتره
ثالثا بهتان الصوره

Blur or Focus
يعني ايه؟
لو بصيت ع الشاشه ولقيت اي منطقه ف الشاشه بهتانه
لو مش مظبوطه يبقي فيها مشكله
ومش هتتحل
ولازم تجربها ع الوان كتير
رابعا الطباعه

Print
ودي ملهاش علاقه بالطابعات

 😁

معناها ان الشاشات المستعمله دي بتكون شغاله فتره طويله جدا
ممكن تتعدي ال24 ساعه
فا ده بيأثر ع البيكسلات بتاعه الشاشه وبيطبع صوره ع الشاشه
ازاي تعرفها؟
هتفتح اي صفحه لونها ابيض وشوف لو حسيت بخيال صوره
ف الشاشه انصحك ماتشتريهاش
خامسا الخربشه

Scratch
لو الشاشه فيها خربشه طبعا ده بيأثر ع الرؤيه ف الشاشه
وبرضو مانصحكش تشتري شاشه فيها خربشه
سادسا كسر الشاسيه

Body
لو فيها اي كسور ف الشاسيه الخارجي بتاعها
مايفضلش انك تشتريها
سابعا تاريخ انتاج الشاشه
ودي حاجه مهمه جدا
هتلاقي ع ضهر الشاشه ستيكر مكتوب فيه سيريال الشاشه
وشويه بيانات عن الشاشه وضمنهم تاريخ الانتاج
لو تاريخ انتاجها مر عليه اكتر من 10 سنين بلااااااش تشتريها
😂

بس كده